USA ætlar at skerja hernaðarvenjingar saman við Suðurkorea

Amerikanski forsetin, Donald Trump, hevur givið verjumálaráðharranum, Pete Hegseth, boð um at skerja felags hernaðarvenjingarnar við Suðurkorea.

Tað skrivaði Trump sjálvur á Truth Social í gjár.

Hann grundgevur hetta við, at hann situr so væl um sátt við norðurkoreanska leiðaran, Kim Jong-un.

"Orsakað av mínum sera góðu viðurskiftum við Kim Jong-un í Norðurkorea, eri eg ikki nøgdur við, at USA fyri langari tíð síðan gekk við til at luttaka í felags hernaðarvenjingum við Suðurkorea", skrivar Donald Trump.

Hann heldur, at venjingarnar eru ikki bara dýrar, men senda eisini eitt "púra óhóskandi og fíggindaligt tekin" til Norðurkorea.