Tætt millum ja- og nei-síðuna

Flestu valstøð lótu upp klokkan 9 íslenska tíð, tað er klokkan 10 okkara tíð, og tey lata aftur klokkan 10 í kvøld, klokkan 11 okkara tíð.

Veljarakanningar hava leingi víst ein lítlan meiriluta fyri at fara aftur til samráðingarborðið, men munurin er minkaður so hvørt sum valdagurin nærkast.

Í einari kanning fyrr í vikuni søgdu 51,3% ja og 48,7% nei. Aðrar kanningar hava víst nakað tað sama, har tey, sum siga seg fara at svara ja, eru eitt vet fleiri enn tey, sum siga seg fara at svara nei.

Ein kanning frá Gallup vísti fyri fyrstu ferð ein lítlan meiriluta ímóti. Í henni siga 51,6% nei og 48,4% ja.

Ein kanning er kom aftur í morgun. Hon vísir, at íslendingar eru tvíbýttir í støðuni, tí tey sum siga ja, eru nú fleiri enn tey, ið síga nei. Men munurin er ikki stórur.

Í kanningini siga 50,4 prosent ja og 49,6 prosent nei.

Lurta eftir samrøðu við Hansu Hansen, journalist, í tíðindunum kl 12.20. Hon er stødd í Reykjavík.