Úr Víkingi til Vejle: Gunnar droymir um Superligafótbólt

Gunnar Vatnhamar hevur pakkað kuffertini og taskurnar eftir góð trý ár í íslendskum fótbólti.

Leiðin gongur til Danmarkar, har leirvíkingurin skal hjálpa Vejle BK at tryggjað sær uppflyting til Superliguna.

 - Tað hevur faktiskt altíð verið verið ein dreymur. Eg veit ikki, um tað er nakar føroyskur fótbóltsspælari, sum ikki hevur droymt um at fara til Danmarkar at spæla, sigur Gunnar Vatnhamar.

Hevði pakkað dreymin niður

Í roynd og veru hevði landsliðsspælarin pakkað dreymin niður, tá kjansurin at fara til Ísland at spæla við Víkingi brádliga stakk seg upp fyri góðum trimum árum síðan. 

Tíðin í íslendska høvuðsstaðnum hevur verið góð, og tað er ikki lætt at siga farvæl, viðgongur Gunnar Vatnhamar, sum hevur vunnið bæði steypakapping og meistaraheiti í Víkingi.

 - Tey tóku so væl ímóti mær, og vit trivust skjótt her saman við vinmonnum úr felagnum, sigur ágangandi spælarin, sum skjótt gjørdi vart við seg á vøllinum.

 - Tað er høgur intensitetur, nógvar duellir, og faktiskt skuldi eg vinna bóltarnar og geva hann víðari til teir, sum skuldu skora mál. So hevði eg gjørt mítt. Eg skuldi bara syrgja fyri, at teir kundu satsa, sigur Gunnar Vatnhamar. 

Vit vóru við, tá kuffertini vórðu pakkað.