Forsetin í Serbia vil vera stjórnarleiðari

Forsetin í Serbia, Aleksander Vucic, hevur boðað frá, at hann leggur frá sær.

Hann endar sostatt sítt seinna valskeið sum forseti, áðrenn valskeiðið er úti.

Nú ætlar hann í staðin at stilla upp til valið sum forsætisráðharraevni. Valið verður 25. oktober, skrivar Ritzau.

Fyrr í mánaðinum sendi Aleksander Vucic lóggávutingið heim og skrivaði út val. Tað hendi eftir stórt trýst á stjórnina í longri tíð frá lesandi í landinum.  

Studentarørslan hevur millum annað funnist harðliga at stjórnini fyri mutur í sambandi við eina vanlukku á eini tokstøð í býnum Novi Sad í 2024.