Flogskiparar hjá Lufthansa sleppa verkfalsætlanum

Verkfallið, sum ætlandi skuldi verða í floghavnini í Frankfurt, er avlýst. Flogskipararnir og leiðslan eru farin aftur til samráðingarborðið

Flogskiparar og leiðsla í Lufthansa eru farin aftur til samráðingarborðið. Ætlaða verkfallið í dag er tí fyribils avlýst

Mynd: AP

Bjarni Mohr

16.09.2014 - 08:58

Ferðafólk hjá Lufthansa sleppa í dag undan at uppliva tað fjórða verkfallið eftir trimum vikum hjá týska flogfelagnum, Lufthansa, sum ætlanin annars var, skrivar epn.dk.

Fakfelagið hjá flogskiparunum avlýsti seint mánakvøldið verkfallið, ið ætlandi skuldi byrja í morgun klokkan níggju. Verkfallið skuldi verða í átta tímar.

- Lufthansa er komið við einum uppskoti, sum vit gott kunnu tosa um, sigur Jörg Handwerg, talsmaður hjá flogskiparunum, sambært tíðindastovuni DPA.

Ósemja um eftirlønina

Partarnir eru ósamdir um eftirlønina hjá flogskiparunum. Lufthansa vil, at flogskipararnir skulu fara frá við eftirløn, tá teir eru 61 ára gamlir.

Hesum eru flogskipararnir ikki samdir í. Teir kundu hugsað sær at sloppið frá við eftirløn tvey ár fyrr, tá teir eru 59 ára gamlir, og ikki 61 ára gamlir.

Í seinastu viku vórðu 200 fráferðir úr Frankfurt avlýstar av verkfalli í týska flogfelagnum, Lufthansa. Tá rakti verkfallið umleið 25.000 ferðafólk.