- Tíðindi, mentan og ítróttur
Vápnahvíldin í Ukraina eitt eiti
![](https://kvf.fo/sites/default/files/styles/grein-ovasta-mynd/public/ukraina_hermenn.jpg?itok=KVHe7Wul)
Philip Breedlove sigur, at skotbardagarnir nú kunnu samanberast við støðuna, sum var, áðrenn vápnahvíldin kom í lag fyri góðum tveimum vikum síðani. Generalurin sigur sostatt, at vápnahvíld skal eitast at verða, men at tað, sum fer fram í Ukraina, ikki er samsvarandi við nakra vápnahvíld.
Ukraina ákærir Russland fyri at vápna loysingarrørsluna, men hetta hava russar avsannað ferð eftir ferð. Meira enn 3000 fólk eru deyð í bardøgunum har eysturi í landinum síðani apríl mánað.
SÍ EISINI Vápnahvíldin í Ukraina brotin
Vápnahvíld varð gjørd 5. september, men bardagar hava javnan verið síðani tá. NATO-generalurin segði eisini, at nakrar russiskar herdeildir eru farnar úr Ukraina og aftur til Russlands, men at tær enn eru tilreiðar, skuldi tað verið ynskiligt.
NATO hevur ætlanir um at brynja sínar herdeildir í londum kring Russland, eitt nú teimum baltisku, sum plagdu at vera partur av sovjettiska eystanveldinum.
Ein nýggj avtala varð annars almannakunngjørd í gjáramorgun, sum umboð úr Ukraina, Russlandi, úr loysingarrørsluni og Felagsskapinum fyri Trygd og Samstarvi í Europa, OSCE, hava gjørt.
SÍ EISINI Neyðhjálp úr Moskva til Ukraina
Tað var fyrrveranadi forsetin í Ukraina, Leonid Kuchnma, sum legði nýggju avtaluna fram. Ein avtala um vápnahvíld, sum er í níggju pørtum.
Avtalan fevnir millum annað um at gera eina 30 kilometra trygdarsonu, at seta forboð fyri hernaðarligari flúgving í einum parti av eysturukraina og afturtøku av "fremmandum leiguherdeildum" á báðum síðum, sum tað stendur.