Melduródn herjar í Japan

<p>Trý av teimum eru amerikanskir hermenn. Teir vórðu tiknir út av briminum, tá teir tóku myndir av aldunum. Ein av hermonnunum er funnin deyður. Ein 21 ára gamal maður, sum stóð á brimfjøl, er er eisini horvin.</p>

<p>Ódnin kom inn yvir land tíðliga í morgun, japanska tíð. Um middagsleitið verður hon nærindis Yokohama, beint sunnan fyri høvuðsstaðin Tokyo. Vindferðin er umleið 180 kilometrar um tíman, 50 metrar um sekundið.</p>

<p>200.000 fólk har eysturi í Japan er flutt burtur, tí vandi er fyri skriðulopi og vatnflóð. 600 flogferðir eru eisini avlýstar. Melduródnin fer væntandi eisini at órógva bjargingararbeiðið eftir eitt eldgos 200 kilometrar vestan fyri Tokyo.</p>

<p>Eldgosið hevur kravt 51 mannalív, og leitað verður framvegis eftir fólki, sum ikki er komin afturíaftur.</p>