Finnlendingar við í yvirgangsatsóknum í útlondum

Finska løgreglan handtók í gjár tríggjar persónar, sum eru skuldsettir fyri at skipa fyri yvirgangsatsóknum í útlondum, skriva finskir fjølmiðlar.

Talan er um finskar ríkisborgarar, og teir eru skuldsettir fyri at hava tikið lut í virksmeinum hjá vápnaðum bólkum úti í heimi. Finskir fjølmiðlar skriva, at málið hevur samband við Sýria og víðgongdar felagsskapin, Islamskur Statur, - stytt IS.

Sambært finsku tíðindastovuni, FNB, eru talan um tríggjar menn, sum eru handtiknir í Helsingfors-økinum. 

Finska trygdarløgreglan sigur, at nærum 40 persónar eru farnir úr Finlandi í kríggj í Sýria, skrivar NTB.

Og løgreglan í London handtók í gjár fýra menn, sum eru 20 og 21 ára gamlir. Illgruni er um, at teir fyrireikaða og setta í verk yvirgangsatsóknir. 

Fyrra hálvár í ár hevur bretska løgreglan framt 69 handtøkur í sambandi við stríðið í Sýria, - og tað er fimm ferðir fleiri enn í fjør, skrivar Ritzau.