Arbeiðsgevarar leggja seg út í valstríð

<p>Stjórin í grønlendska arbeiðsgevarafelagnum, Brian Buus Pedersen, og nevndarformaðurin, Henrik Leth, heita á floksformenninar um ikki at lova ov nógv í valstríðnum.</p>

<p>Teir stúra fyri búskaparligu støðuni í Grønlandi og vísa á, at ráevnisævintýrið er ikki komið enn. Fleiri leiðandi politikkarar hava nevnt, at neyðugt er við einum breiðum politiskum samstarvi eftir valið, og tað taka arbeiðsgevararnir undir við.</p>

<p>- Grønland er so tætt við at fara út av eggini búskaparliga, at bara eitt breitt samstarv um nýskipanir og endurreisingarpolitikk kanna tryggja vælferðina og størri sosialan javnað, siga stjórin og nevndarformaðurin í Arbeiðsgevarafelagnum. Teir ávara eisini um, hvar veljarin setur krossin 28. november.</p>

<p>- Tað er ábyrgd veljarans, at nývalda landstingið verður mannað við politikarum, sum hava landspolitiskan sjónarring, vilja og evni at fremja neyðugu nýskipanirnar, sum verður eitt trygt politiskt og búskaparliga fyri alt landið, sigur leiðslan í grønlendska arbeiðsgevarafelagnum.</p>