Tí skalt tú dagføra Windows skjótast gjørligt

Microsoft mælir øllum, ið brúka Windows 7, 8 og 10, til at dagføra stýrisskipanina, tí eitt álvarsamt trygdarhol er funnið í teimum trimum stýrisskipanunum

Teldusníkar kunnu misnýta telduna hjá tær, og yvirtaka telduna, eftir at eitt nýtt trygdarhol er funnið í Internet Explorer kaganum, skrivar Ingeniøren.

Vanliga sendir Microsoft dagføringar út annanhvønn týsdag. Trygdarholið, ið nú er funnið, noyðir kortini Microsoft at senda út eina dagføring í skundi.

Tú kanst dagføra tína Windows-stýrisskipan á slóðini her: Microsoft Windows Update (letur upp í nýggjum kaga)