Svartskygni hongur yvir amerikanska vinnulívinum

Indeksið hjá Federal Reserve Bank of Philadelphia fyri treystið hjá amerikanska vinnulívinum í juli mánað er fallið niður á minus 2,9.

Í juni var treystitalið pluss 4,7. Búskaparfrøðingar høvdu - sambært eini meting, Bloomberg News hevur gjørt - væntað, at indeksið fór at liggja um pluss 4,5.

Federal Reserve Bank of Philadelphia er eitt av 12 økjum undir amerikanska miðbankanum, Federal Reserve.

Er indeksið omanfyri 0 er tað tekin um, at meirilutin av fyritøkunum í økinum hava góða vónir fyri framtíðina, skrivar Berlingske Business.