1400 tons afturat til royndir

Makrelkvotan til vinnuligar royndir í ár er nú størri enn hon var.

Í staðin fyri 500 tons er kvotan nú 1.900 tons.

Og freistin at søkja um makrel til vinnuligar royndir er eisini broytt.

Hon var til 1.juni. Nú er hon til 8.august á middegi.

Sambært kunngerðini um at skipa fiskiskapin eftir makreli við fiskiførum undir føroyskum flaggi í 2019, skal umsókn um makrel til vinnuligar royndir lýsa endamál, tíðarætlan og kostnaðarætlan.

Harafturat skal Fiskimálaráðið hava at vita, hvat fyri skip, ætlanin er at brúka, hvat fyri reiðskap og útgerð skal brúkast og, hvar skal fiskast.