Flogfeløg vænta at seta met í summar

Við 222 milliónum ferðandi vænta flogfeløgini í USA at seta nýtt met í summar. Miðalprísurin fyri innanríkis flogferðir er í løtuni 3.020 krónur

Flogvinnan í USA væntar, at nýtt met verður sett í summar, tá 222 milliónir ferðafólk fara at flúgva við flogfeløgunum í landinum í summar

Mynd: Savnsmynd/AP

Bjarni Mohr

18.05.2015 - 09:50

Flogfeløgini í USA fara at flúgva 222 milliónir ferðafólk í tíðarskeiðnum frá 1. juni til 31. august í summar, er spádómurin hjá Airlines of America, ið felagið fyri flogvinnuna í landinum.

Sostatt fer vinnan eisini at seta nýtt met, tá í miðal 2,4 milliónir fólk hvønn dag fara st seta seg umborð á flogfør, ið annaðhvørt flúgva innanríkis ella uttanríkis flúgving.

Greinin heldur fram niðanfyri

Record 222 million people to fly on U.S. airlines this summer thanks to rebounding economy (@GlobeTrotScott): http://t.co/Dv4311XAZz
— The Associated Press (@AP) May 18, 2015

Orsøkin, til at flogvinnan í USA væntandi fer at seta nýtt met í summar, er uppgongutíðir í búskapinum, ið nú eisini sæst aftur í talinum á keyptum ferðaseðlum umborð á flogførunum.

Miðalprísurin á innanríkis flogferðum, íroknað avgjøld, er í løtuni 454 dollarar, ið svarar til 3.020 krónur. Miðalprísurin á flogferðum úr USA til útlond er í løtuni 1.619 dollarar, 10.768 krónur