Myndugleikar vátta: Lutur er frá horvnum flogfari

Tað er nú staðfest, at vrakpettið, sum varð funnið á strondini á oynni Reunion, eystan fyri Madagaskar í síðstu viku, stavar frá horvna flogfarinum hjá Malaysia Airlines.

Stutt eftir vrakpettið varð funnið, gjørdist greitt, at tað var eitt petti av einum vongi á einum Boing 777 flogfari.

Eitt tal var stemplað á vongin, og tað er tað talið, sum serfrøðingar hava kannað og nú kunnu vátta, er av MH370 hjá Malaysia Airlines, sigur forsætisráðharrin í Malaysia.

Greinin heldur fram niðanfyri

New div after blockquote

An int team of experts hv conclusively confirmed tt the aircraft debris found on Reunion Island is indeed frm MH370 https://t.co/UwRsK1zdA2

— Mohd Najib Tun Razak (@NajibRazak) August 5, 2015

- Eg kann vissa tykkum øll um, ið áttu kær í hesari vanlukkuni, at malaysiska stjórnin vil gera alt, hon er ment, at finna fram til sannleikan, um hvat hendi, sigur Najib Razak.

239 fólk vóru umborð á MH370 flogfarinum, tá tað hvarv. Tað er enn ikki greitt, hví flogfarið hjá Malaysia Airlines datt niður á ferðini frá Kuala Lumpur til Beijing 8. mars í fjør.