Fjórðihvør boripallur í Norðsjónum riggast av

08.02.2016 - 09:10
AktueltVinna
Fjórðihvør boripallur í Norðsjónum riggast av
Einir 150 bretskir boripallar í Norðsjónum eru burtur um tíggju ár, er dapri spádómurin hjá bretskari greiningarfyritøku
Væntandi hvørva 146 bretskir boripallar í Norðsjónum frá 2019-2016, heldur greiningarfyritøka. Á myndini ein boripallur við bryggju í Invergordon í Skotlandi
 

Fallandi oljuprísirnir, ið skaka oljuvinnuna, raka bretsku oljuvinnuna í Norðsjónum meint. Tað heldur ein greiningarfyritøka, ið The Guardian endurgevur.

- Væntandi hvørva 146 bretskir boripallar í Norðsjónum frá 2019-2026. Tað er umleið 25 prosent, sigur greiningarfyritøkan, Douglas Westwood, sambært bretska blaðnum.

Bretska stjórnin hevur longu gjørt av at stuðla bretsku oljuvinnuni í Norðsjónum við trimum milliardum krónum. Tað verður gjørt í vónini um at varðveita arbeiðspláss.

Nýggj forsøgn kemur seinni í februar

Seinni í hesum mánaðinum gevur bretska greiningarfyritøkan, Douglas Westwood, út eina nýggja forsøgn, ið greinar tølini fyri oljuvinnuna í Norðsjónum nærri.

Í greiningini verður varpað ljós serliga á danskar, norskar, týskar og bretskar fyritøkur, sum virka í oljuvinnuni í Norðsjónum.

Tað er ikki bara í Evropa, at oljuvinnan er illa kroyst. Í 2015 fóru 41 amerikonsk oljufeløg á húsagang. Amerikanski tjóðbankin væntar, at gongdin heldur fram eisini í 2016.

Er kopiera
Nýggjastu sendingar í ÚV
Nýggjastu sendingar í SV
Hósdag 26. januar
Foytar greyðir 1
151528
Týsdag 24. januar
Vísindavøka 2022
151430
Mánadag 23. januar
Møti úr Meinigheitshúsinum
151337
Sunnudag 22. januar
Hvør veit?
151287
Sunnudag 22. januar
Andakt við Tummas Jacobsen
151286