Alilaksurin ikki tað ringasta

Tað er norska heimasíðan kyst.no, ið hevur samanborið heilivágsnýtsluna hjá alibrúkum og teimum, sum dyrka grønmeti, nú so nógv verður sagt og skrivað um heilivágin í alivinnuni.

Munurin er øgiliga stórur, sambært kyst.no. Norska alivinnan brúkti í 2014 13 tons av lúsaeitri og tvey tons av øðrum heilivági.

Bøndur góvu sínum djórum sjey tons av heilivági. Men tey, sum hava sum vinnu at dyrka grønmeti, korn og frukt, brúktu 653 tons í 2014.

Miðil hjá fiski- og alivinnuni

Harafturat koma 175 tons, sum fólk brúktu í millum annað eplaveltum og urtagarðinum heima við hús.

Umroknað til kilo, fóru 11 milligram av heilivági til laks, átta til kjøt og mjólk og 361 milligram av heilivági fóru til hvørt kilo av grønmeti, korn og frukt.

Leggjast skal afturat, at kyst.no er heimasíða hjá fiskivinnuni og alivinnuni í Noregi.