Brexit: ES londini á kreppufund

Týski uttanríkisráðharrin, Frank Walter Steinmeirer, hevur boðið sínum starvsfeløgum í Fraklandi, Hollandi, Italia, Belgia og Luxemburg á fund at tosa um íkomnu støðuna, nú bretar ætlar sær úr samveldinum.

Hetta er tann fyrsti í eini røð av fundum, sum leiðarar í ES-londum halda komandi dagarnar.

Mánadagin hittast týski kanslarin Angela Merkel og franski forsetin Hollande við italska forsætisráðharran Matteo Renzi og ES-forsetan Donald Tusk, at tosa um møguligar broytingar í samveldinum, nú Bretland tekur seg úr tí.

Og týsdagin fer fráfarandi bretski forsætisráðharrin, David Cameron, at tosa um støðuna á ES-toppfundi í Brúsell. 

Men longu dagin eftir noyðist bretski forsætisráðharrin at bíða uttanfyri fundarhølini, tá umboð fyri hini 27 londini tingast víðari um, hvat skal henda við samveldinum.