Mentorar skulu hjálpa nýggjum lesandi

Tað eru lestrarskrivstovan á Fróðskaparsetrinum og ráð teirra lesandi, sum hava tikið stig til mentorskipanina.

Mentorskipanir eru púra vanligar á hægri lærustovnum uttanlands. Tørvur er á slíkari skipan á Fróðskaparsetrinum, heldur ráð teirra lesandi.

Tað eru lesandi, sum hava lisið á Fróðskaparsetrinum í eina tíð, sum kunnu gerast mentorar. Og áhugin tykist at vera rímiliga stórur.

Higartil hava tíggju boðað frá, at tey fegin vilja vera mentorar, sigur Turid Christophersen, forkvinna í ráði teirra lesandi.