Fordøma álopið í Fraklandi

Týski kanslarin, Angela Merkel, sigur, at Týskland stendur lið um lið við Fraklandi og nógvum øðrum í stríðnum móti yvirgangi.

- Eg eri sannførd um, at vit fara at vinna stríðið, hóast nógvar trupulleikar, sigur Angela Merkel.

Nýggi bretski uttanríkisráðharrin, Boris Johnson, fordømir eisini álopið í einum stuttum boðum á sosiala miðlinum, Twitter.

Greinin heldur fram niðanfyri

Shocked and saddened by the appalling events in Nice, and the terrible loss of life.

— Boris Johnson (@BorisJohnson) July 15, 2016

Russiski forsætisráðharrin, Dmitri Medvedev, hevur sent samkensluheilsan til Fraklands, og til tey, sum líða undir hatska álopinum í Nice og familjur teirra.

Men meðan útheimurin fordømir álopið, arbeiða løgregla og kanningarfólk framvegis við at fáa greiða á, hvør skipaði fyri álopinum.

SÍ EISINI Føroysk kvinna í Nice: Tað kennist óveruligt

Álopið varð framt á strandpromenaduni í Nice, har fleiri hundrað fólk vóru savnað fyri at síggja fýrverk í sambandi við, at tjóðardagur var í Fraklandi í gjár.

Nú fyrrapartin skriva fjølmiðlar, at framvegis liggja offur á gonguvegnum fram við strondini fjald undir bláum løkum.

Sambært franska blaðnum, Le Figaro, verða tey flutt, tá kanningararbeiðið er komið longri.