Eldur í sethúsum við Norðskála

Eldur var í einum sethúsum við Norðskála í nátt. Eldurin er helst kyknaður í ella við eina sofu. Ein kvinna og eitt barn vóru í húsinum, og tey vaknaðu av, at roykávaringin fór at ýla. 

Sunda Sløkkilið kom á staðið og sløkti eldin, og boð vórðu eisini send eftir sjúkrabili, tí móðir og barn vórðu send á Landssjúkrahúsið til kanningar fyri roykeitran. 

Tað er enn ikki greitt, hvussu stóran skaða húsini hava fingið, men tøkningar frá løgregluni fara í morgin at kanna eldin. 

Húsini fingu tó stóran roykskaða, sigur vakthavandi á politistøðini í Havn, Helgi Magnusarson.