Samferðslan darvað av ringum veðri

Stilli í kjalarvørrinum á jólaódnini vardi ikki leingi. Í morgun eru fleiri leiðir hjá Strandfaraskipum Landsins avlýstar, tí so nógvur vindur er.

Tvær oyggjaleiðir - tað eru skipini hjá Strandferðsluni - hava í morgun avlýst siglingina. Tað eru Nólsoyarleiðin og Kalsoyarleiðin.

SÍ EISINI Aftur, aftur ódnarveður

Hesar bygdaleiðir koyra ikki í løtuni, nú tað aftur er ringt veður: 200, 201, 202, 400, 401, 410, 440 og leið 700, skrivar Strandferðslan á heimasíðuni.

Strandferðslan væntar, at vindurin fer at minka út á fyrrapartin, og sigur tí, at onkrar ferðaleiðir kanska verða tiknar upp aftur seinni í dag.