Húsaprísirnir hækka enn

Prísurin á húsum í Havn hækkaðu 17 prosent í fjør. Sambært Eik banka, ið síðani 1985 hevur gjørt eitt yvirlit um sethúsaprísir, hækkaði meðalprísurin í Havn 370.000 krónur í fjør.

Prísurin fór úr tveimum milliónum og 140.000 krónur upp í tvær milliónir og 510.000 krónur. Uttan fyri høvuðstaðin hækkaðu prísirnir ikki eins nógv. 

Í størri bygdum og býum í Føroyum hækkaðu prísirnir í meðal 8,2 prosent, í smáu bygdunum hækkaði húsaprísurin 4,9 prosent.

Sambært tølunum hjá Eik vórðu 117 hús seld í Havn, Hoyvík og á Argum í fjør. 123 hús blivu seld í stórum bygdum og í býum og 128 í smáum bygdum.