Flokkurin, Sannfinnlendingar, stóra framgongd

14.04.2019 - 14:01
AktueltÚtheimurin
Flokkurin, Sannfinnlendingar, stóra framgongd
Í desember fekk flokkurin 8 prosent av atkvøðunum, men í nýggjastu veljarakanningini er undirtøkan tvífaldað, og kann gerast næststørsti flokkur
 

Men sambært nýggjastu veljarakanningunum, fer eingin flokkur at fáa 20 prosent av atkvøðunum á valinum til finska Ríkisdagin í dag, og tað er óvanligt, skrivar svenska kringvarpið.

Sosialdemokratarnir, sum hava verið í andstøðu síðani seinasta val, standa til at fáa 19 prosent av atkvøðunum. Veljarakanningin vísur eisini, at nógvir veljarar hava ikki tikið støðu til, hvar tey seta krossin.

Flokkurin, Sannfinnlendingar, hevur arbeitt hart undir valstríðnum, og fær alsamt størri undirtøku, sigur svenska kringvarpið.

Tætt millum flokkarnar

Formaðurin fyri Sannfinnlendingar, og sum eisini situr í ES-tinginum, Jussi Halla-aho, sigur við SVT, at fólk skulu velja flokkin, tí Sannfinnlendingar er einasti flokkur, sum kann steðga skaðiligu tilflytingini til Finnlands.

Bara trý prosent eru á muni millum Sosialdemokratarnar og Sannfinnlendingarnar. Í seinastu veljarakannignunum er tað Sannfinnlendingarnir, sum hava tikið seg mest fram. Í desember fekk flokkurin átta prosent av atkvøðunum, men í nýggjastu veljarakanningini er undirtøkan tvífaldað.

Ein orsøk til tað er, at persónar av útlendskum uppruna eru undir illgruna fyri at hava verið við í fleiri tíggjutals kynsligum brotsverkum móti børnum. Hetta hevur elvt til drúgvt kjak í Finnlandi, skrivar svenska kringvarpið.

Sannfinnlendingarnir fáa eftir øllum at døma eitt gott val, men allir aðrir flokkar hava boðað frá, at teir fara ikki í stjórn saman við Jussi Halla-aho.

 
Nýggjastu sendingar í ÚV
Mánadag 22. apríl
Tretivu ár síðan oyggjaleikirnar
93309
Mánadag 22. apríl
Hin miskunnsami samariubúgvin
93342
Mánadag 22. apríl
Guðstænasta í Hoyvíkar kirkju
93730
Sunnudag 21. apríl
Tónaskaldið Jógvan Telling
93308
Sunnudag 21. apríl
Bolero páskadag 2019
93714
Nýggjastu sendingar í SV
Mikudag 24. apríl
25 minuttir: Andrias Høgenni
93252
Mánadag 22. apríl
Hamradun - konsert í Tvøroyrar kirkju
93477
Mánadag 22. apríl
Møti
93735
Mánadag 22. apríl
Andaktin
93733
Sunnudag 21. apríl
Ein stór løta
93495