- Tíðindi, mentan og ítróttur
U17 landsliðið: Í dag byrjar miðumfarið
U17 landsliðið: Í dag byrjar miðumfarið
Føroyar spæla ímóti Hvítarusslandi og Ungarn í dag
![](https://kvf.fo/sites/default/files/styles/grein-ovasta-mynd/public/harald_0.jpg?itok=ha_rI1Ct)
04.07.2019 - 08:50
Føroyska U17 landsliðið í hondbólti hevur higartil klárað seg sera væl í European Open, sum verður spæld í Gøteborg í Svøríki.
Í gjár tryggjaðu Føroyar sær fyrsta plássið í bólki C. Hvíldin hevur tó verið avmarkað, tí longu í morgun skulu føroysku spælararnir aftur á vøllin.
Føroyar eru í miðumfarinum í bólki B saman við Hvítarusslandi, Ungarn og Spania. Tveir dystir eru á skránni í dag.
Klokkan 09.30 spæla Føroyar og Hvítarussland og klokkan 14.45 spæla Føroyar og Ungarn.
Í hinum bólkinum í miðumfarinum, bólki A, eru Ísland, Svøríki, Kekkia og Italia.
Bólkavinnararnir koma í finaluna í European Open.
Nýggjastu sendingar í ÚV
Nýggjastu sendingar í SV