Ráðharrar í Namibia farnir frá

Bæði fiskimálaráðharrin og løgmálaráðharrin í Namibia hava nú lagt frá sær, í kjalarvørrinum av gøluni um Samherja, sum hevur mutrað seg til kvotur í afrikanska landinum.

Jóhannes Stéffansson, fyrrverandi nevndarformaður í Samherja, sigur, at Samherji hevur mutrað fleiri embætisfólk og politikkarar í Namibia og at bæði fiskimálaráðharrin og løgmálaráðharrin eru millum tey, sum hava tikið ímóti mutri.

 >> SÍ EISINI Samherji hevur mutrað í 10 ár

Frammanundan hevur stjórin í íslendska felagnum, Samherja, Torsteinn Már Baldvinsson, lagt frá sær, til kanningin av felagnum er liðug. Tað boðar íslendska felagið frá. Meðan kanningin verður gjørd, verður Bjørgólfur Jóhannsson, virkandi stjóri.

Felagið Samherji hevur sjálvt sett kanning í verk, og hevur sett norska og altjóða løgfrøðingafyritøkuna, Wikborg Rein, at kanna viðurskiftini, og hon skal samskifta beinleiðis við nevndina í Samherja.