Bretska flogvápnið fylgdi russiskum stríðsflogførum

Bretska flogvápnið, RAF, fylgdi í gjár fýra russiskum stríðsflogførum úr loftrúminum, sum Bretland varðar av.

Hetta var norðan fyri Skotland og vestan fyri Hetland. 

Russisku flogførini eru av slagnum, sum eitur Bear. 

Flogførini vóru tó ikki í sjálvum bretska loftrúminum.

Sjúrður Skaale, fólkatingsmaður, hevur longu spurt Trine Bramsen, verjumálaráðharra, hvat hon veit um russisku flogførini, sum kanska vóru í føroyskum loftrúmi, í øllum føri vóru tey tætt við føroyska loftrúmið.