Leggur fýra landspartar undir Russland

Í dag fer russiski forsetin, Vladimir Putin, væntandi formliga at innlima teir fýra hersettu ukrainsku landspartarnar, Luhansk, Donetsk, Saborizia og Kherson, í Russland. 

Fráboðanin kemur í kjalarvørrinum av valúrslitunum av fólkaatkvøðuni, sum Russland skipaði fyri í teimum fýra landspørtunum.

Fyri einari viku síðani byrjaði ein fólkaatkvøða í øllum landspørtunum, og hon endaði týsdagin. Stórur meiriluti var í øllum landspørtunum fyri at leggja saman við Russlandi, siga russiskir myndugleikar.

Nógv fólk hava sagt frá, at tey vórðu hótt at atkvøða fyri at leggja saman við Russlandi, og nógv lond hava síðani boðað frá, at tey ikki góðkenna fólkaatkvøðuna, og heldur ikki at ukrainsku landspartarnir gerast partur av Ruslandi.

Evnið var viðgjørt í Breddanum fyrrapartin.

Flemming Splidsboel Hansen, trygdarserfrøðingur og granskari á Dansk Institut for Internationale Studier, segði soleiðis:

Allur Breddin kann hoyrast her.