Petr Pavel vinnur forsetavalið í Kekkia

Petr Pavel vinnur forsetavalið í Kekkia
Seinnapartin, tá ið góð 80 prosent av atkvøðunum vóru taldar, hevði Pavel fingið 57,6 prosent, og mótstøðumaðurin Andrej Babis 42,4 prosent av atkvøðunum
Mynd: Scanpix  
 
28.01.2023 - 16:50

Valið endaði í gjár, og nú góð 80 prosent av atkvøðunum eru taldar, hevur Petr Pavel fingið 57,6 prosent av teimum. Valið var millum 61 ára gamla Pavel og fyrrverandi forsætisráðharran, 68 ára gamla Andrej Babis.

Babis telist millum ríkastu menn í landinum, og er fyrr lýstur sum "Kekkiski Trump". 

Petr Pavel er fyrrverandi fallskýggjahermaður og generalur, og stóð á odda fyri hernaðarnevndini hjá Nato. Pavel er liberalur og fyri ES, og vil hava størri altjóða samstarv. Hann er politiskt óheftur, men fær stuðul frá liberalu mið-høgra-stjórnini, sum hevur valdið nú..

Seinnapartin í dag, tá ið góð 80 prosent av atkvøðunum vóru taldar, hevði Pavel fingið 57,6 prosent av atkvøðunum, og Babis 42,4 prosent, upplýsir kekkiska ríkisumsitingin, skrivar NTB.

Er kopiera
Nýggjastu sendingar í ÚV
Sunnudag 15. juni
Kallið:"Lívið er ein ferð".
193227
Leygardag 14. juni
Morgunlestur leygardagur 14.juni 2025
192954
Fríggjadag 13. juni
Vikuskiftið 13 juni 2025
193269
Nýggjastu sendingar í SV