USA lopið á mál í Jemen

USA leyp í gjár á fleiri mál hjá houthiarum í Jemen, sigur eitt embætisfólk við CBS News.

Amerikanska herleiðslan váttar hetta í fráboðan. Tey 14 málini vóru, sambært fráboðanini, rakettir, sum vóru til reiðar at verða skotnar avstað.

Álopini koma eftir, at eitt skip, sum ein amerikanari eigur, var rakt av eini dronu í Reyðhavinum í gjár, skriva bretski felagsskapurin fyri skipavirksemi, UKMTO, og trygdarfyritøkan Ambrey.

CBS News skrivaði í nátt, at álopini á mál í Jemen vóru ætlað støðum, har fyrireikingar vóru til nýggj álop á skip.

Hetta eru fjórða umfar av álopum í slaka viku, eftir at houthiararnir hava framt fleiri álop á skipaferðslu í Reyðahavinum.

Amerikanskir myndugleikar hava váttað upplýsingarnar fyri AP og Reuters.