Eldgosið í Íslandi er viknað

Eldgosið í Íslandi, sum byrjaði í gjáramorgunin, fór longu at vikna seinnapartin í gjár.

Tað helt fram at vikna í nátt.

Leiðingin til heitt vatn til nøkur pláss hevur fingið skaða. Og tey, sum búgva á Suðurnesinum, hava tí lítið ella einki heitt vatn.

Kalt innandura

Nýggj leiðing til heitt vatn kemur í fyrsta lagi í annaðkvøld.

Tí verður kalt innandura til í morgin ella sunnudagin hjá teimum, sum búgva har á leiðini.

Í tveimum bygdum er eingin skúlagongd í dag.

Í gjár fór vegurin til Grindavíkar undir grótbræðingina.