Nýggjur føroyameistari vann teir gomlu

Nýggjur føroyameistari vann teir gomlu
18 ára gamli Luitjen Akselsson Apol er føroyameistari í talvi
FM-finalistarnir við steypum eftir spennandi finaludag á Giljanesi í gjár. Frá vinstru Høgni Egilstoft Nielsen, nýggi føroyameistarin Luitjen Akselsson Apol og Rógvi Egilstoft.
Mynd: Mynd: Jóannes Guttesen.  
 
31.03.2024 - 09:42

18 ára gamli Luitjen Akselsson Apol er føroyameistari í talvi.

Í umdystinum í gjár vann hann bæði talvini móti Høgna Egilstoft Nielsen, og móti Rógva Egilstoft vann hann annað talvið og telvaði hitt javnt.

Endaliga støðan í umdystinum bleiv, at Luitjen Akselsson Apol í Havnar telvingarfelagi fekk trý og eitt hálvt stig, Høgni Egilstoft Nielsen í Sandavágs talvfelagi fekk hálvtannað stig, og Rógvi Egilstoft, eisini í Sandavágs talvfelagi, fekk eitt stig.

Síðani 2013 hava Høgni Egilstoft Nielsen, Helgi Dam Ziska og Rógvi Egilstoft verið føroyameistarar í talvi.

Helgi Dam Ziska var føroyameistari í fjør, men hann var ikki við í ár. 

Er kopiera
Nýggjastu sendingar í ÚV
Fríggjadag 13. juni
Breddin: Støðan í Gasa
193241
Fríggjadag 13. juni
RagnarRokk: Scott Carstairs um Xenotaph
193187
Fríggjadag 13. juni
Morgunlestur fríggjadagur 13.juni 2025
192953
Nýggjastu sendingar í SV
Mikudag 11. juni
Dagur og vika - teknmálstulkað
193101
Týsdag 10. juni
Veðrið
193072
Sunnudag 8. juni
Andakt við Bergi Debes Joensen
192984
Sunnudag 8. juni
Guðstænasta úr Havnar kirkju
192979