Nýggjur landbúnaðarpolitikkur í Norra: Bøndur fáa somu løn sum lærarar

Meirilutin í vinnunevndini í norska Stórtinginum tekur undir við uppskotinum hjá stjórnini um nýggjan landbúnaðarpolitikk, sum skal økja sjálvbjargni og broyta skipanina, sum roknar út inntøkuna hjá bóndum.

Norski Høgriflokkurin og Vinstriflokkkurin stuðla stjórnini í nýggja uppskotinum. 

Flokkarnir eru samdir um langtíðarætlan at hækka sjálvbjargni upp í 50 prosent.

Meiriluti í vinnunevndini tekur eisini undir við at minka inntøkugjónna millum bøndur og aðrar bólkar innan 2027. 

Nú skal lønin, sum bóndur fáa, samanberast við lønir hjá lærarum og sjúkrarøktarfrøðingum, ístaðinfyri lønir innan ídnaðin. Og djórini skulu eta groftfóður og gras, ístaðinfyri kraftfóður.

Æltanin í stigum at hækka sjálvbjargni snýr seg m.a. um størri framleiðslu av norskari frukt, grønmeti og korni.

Uppskotið var lagt fyri Stórtingið 8. mars, og málið kemur til viðgerar 18. apríl. 

Tá ið norski ráðharrin í landbúnaðarmálum, Geir Pollestad, legði fram uppskotið, legði hann dent á, at treytin fyri, at hetta skal eydnast er, at norðmenn vilja hava norskar vørur, og at framleiðslan skal løna seg.

Vinstriflokkurin og Konservativi flokkurin skriva í felags tíðindaskrivi, at tey vilja í politiskt samstarv við stjórnina um 'nýggja og meira framkomna kós í landbúnaðarpolitikkinum'.