Badminton: Útslignar í hálvfinaluni

Miriam í Grótinum (HBF) og Bjarnhild í Buð Justinussen (KBF) fingu bronsuna í Yonex Finnish International 2024, sum er partur av sonevndu Future Series hjá Badminton World Federation.

Í hálvfinaluni møtti føroyska parið einum krútsterkum pari úr Avstralia. Fleiri 100 pláss vóru ímillum á styrkislistanum hjá BWF, og tað sást eisini aftur á vøllinum, har avstralska parið vann 21-12 og 21-7.

At luttaka regluliga í altjóða góðkendu kappingunum hjá BWF er lutfalsliga nýtt hjá føroyskum badmintonleikarum, og hetta er fyrstu ferð, at føroyskir leikarar enda í topp-trý, skrivar Badmintonsamband Føroya á Facebook.