Kamala Harris ynskt Trump til lukku við valinum

Tað var ein takksom Kamala Harris, sum í gjár trein á pallin í Washington D.C., høvuðsstaðnum í USA. 

Hon var takksom, men hon viðurkendi eisini ósigurin, og at Donald Trump nú verður forseti í USA. Og hon sáddi ongan iva um valsúrslitið, skrivar danska kringvarpið.

- Úrslitið bleiv ikki, sum vit vónaðu, arbeiddu fyri og atkvøddu fyri, segði hon. 

Kamala Harris segði seg hava tosað við Donald Trump og ynskt honum til lukku við sigrinum. 

Valið gjørdist ikki so javnt, sum spátt var frammanundan, tí Donald Trump vann allar sveiggj-statirnar, sum vóru mettir at vera avgerandi fyri at vinna valið. 

Stóru bløðini í USA eru ikki í iva, hvør orsøkin til ósigurin hjá demokratunum er. Hon liggur á einum manni: nevniliga Joe Biden, sum ikki megnaði at síggja egnar forðingar og taka seg aftur sum valevni í nóg góðari tíð.