Boris á odda í veljarakanning

Veljarakanningin vísir, at konservativi stjórnarflokkurin fær 359 av teimum tilsamans 650 sessunum í parlamentinum, og sostatt meiriluta.

Á seinasta vali fekk flokkurin 317 sessir. Greiningarstovnurin YouGov hevur gjørt kanningina fyri The Times.

YouGov hevur spurt 100.000 fólk. YouGov var tann stovnurin, ið spáddi rættast um úrslitið av parlamentsvalinum í 2017. 

Labour missir 51 sessir

Størsti andstøðuflokkurin, Labour, fær ein frammaná í kanningini. Hann missir 51 sessir og fær tilsamans 211 sessir í parlamentinum.

Skotski tjóðskaparflokkurin, SNP, fær, sambært kanningini hjá The Times, 35 sessir, og Liberal-demokratarnir fáa 13 sessir.

Hóast konservativi flokkurin stendur til at fáa meiriluta einsamallur í parlamentinum, tekur YouGov fyrivarni í kanningini. Í nógvum valdømum fáa tey konservativu tepran meiriluta, og tað kann ávirka valúrslitið.