Oljuprísurin lækkaður munandi

Oljuprísurin lækkaði munandi í gjárkvøldið, eftir at amerikanski forsetin, Donald Trump, helt røðu um spentu støðuna millum USA og Iran.

Oljuprísurin er nú komin niður aftur í umleið 65 dollarar fyri tunnuna, sum prísurin var, áðrenn USA fríggjadagin gjørdi av við iranska herosvastan, Suleiman. Tá er talan um olju úr Norðsjónum.

Prísurin á amerikansku WTI oljuni er lækkaður niður í 60 dollarar fyri tunnuna.

Um vikuskiftið og fyrst í hesi vikuni hækkaði prísurin, og eitt skifti var prísurin á olju úr Norðsjónum oman fyri 70 dollarar fyri tunnuna.