Vóru ikki spurd í verjumálum: Landsstýrisformaðurin í øðini

Grønlendski landsstýrisformaðurin, Múte B. Egede, er í øðini, nú fólkatingið hevur samtykt at brúka fleiri milliardir aftrat til verjuna hjá ríkinum.

Grønland var ikki spurt og visti av ongum.

- Vit vita tí heldur ikki, hvørjar avleiðingarnar verða, sigur Múte B. Egede í tíðindaskrivi.

Hann sigur, at Grønland vil vera er við, tá viðurskifti um Arktis verða viðgjørd.

Til Grønlands á vitjan

Mette Frederiksen, forsætisráðharri, fer til Grønlands í næstu viku. Og tá ætlar landsstýrisformaðurin at gera vart við misnøgd sína. 

Í fjør summar, tá ríkisfundur var, segði Mette Fredriksen, at Grønland og Føroyar skuldu vera við, tá trygd og verja verða viðgjørd. 

Ein samstarvsnevnd skuldi setast. 

- Hvar var hon nú? spyr  Múte B. Egede.