Fara nú at brúka nýggju flogbreytina í Nuuk

Helvtin av nýggju flogbreytini í Nuuk í Grønlandi verður tikin í nýtslu fyrsta dagin.

Breytin er asfalterað, og enn eru nakrir snøklar eftir at gera, sigur Kalaallit Airports, sum byggir nýggju floghavnina.

Danska ferðslustýrið skal eisini góðkenna vøllin, áðrenn hann kann takast í nýtslu.

Gamla flogbreytin niðurløgd

Men ætlanin er, at fyrstu flogførini kunnu seta seg og fara á flog av nýggju breytini 3. november, skrivar Sermitsiaq.

Samstundis sum nýggja flogbreytin verður tikin í nýtslu, verður gamla flogbreytin í Nuuk niðurløgd. Hon er 950 metrar long, og hevur verið brúkt í meira enn 40 ár.

Gamla flogbreytin noyðist at víkja fyri seinnu helvt av nýggju flogbreytini.

Ætlanin er, at nýggja floghavnin í Nuuk, sum eisini umfatar nýggja farstøð, skal verða liðug næsta ár.