Boksaðu seg til tvey heiðursmerki

Eitt gull og eitt silvurheiðursmerki varð úrtøkan, tá ið tríggir føroyskir boksarar kappaðust í stórari boksistevnu í Hillerød, skrivar portal.fo.

Teitur Annand vann gull, og David Kunoy fekk silvurheiðursmerki. Triði boksarin, sum umboðaði Tórshavn Boksing í HSK Box Cup, var Jonathan Malaikev.

Teitur Annand kom beinleiðis í finaluna, har hann boksaði í lættvektsbólkinum fyru U19-boksarar, og hann vann á lokala boksaranum, Jacobi Jønsson í øðrum umfari.

David Kunoy (U19-millumlættvekt) vann í hálvfinaluni upp á stig á einum donskum boksara. Í finaluni tapti hann 4-1 á svianum, Gvidas Smailys, úr Helsingborg.

Jonathan Malaikev tapti fyri sterka íslendinginum, Sindri Snorrason, í hálvfinaluni.