- Tíðindi, mentan og ítróttur
Metmaðurin flytur mørkini
Metmaðurin flytur mørkini
Jónas Isaksen gjørdist fyri løtu síðan danskur U20-meistari og setti føroyskt innanduramet á 200 metra renning við tíðini 21,83 sekund

Maðurin í miðjuni: Jónas Isaksen aftur ovastur á skamlinum við gulli um hálsin
Mynd: Jógvan K. Glerfoss
05.03.2023 - 14:36
Jónas Isaksen heldur fram við at seta føroysk met í frælsum ítrótti.
Í dag gjørdist ungi rennarin danskur U20-meistari og setti samstundis føroyskt innandura met í 200 metra renning við tíðini 21,83 sekund. Hann brúkti sostatt minni enn 11 sekund upp á hvørjar 100 metrar.
Síðsta góða árið hevur rennarin úr Bragdinum tikið eitt met fyri og annað eftir, og á Ítróttafagnaðinum hjá ÍSF var hann í uppskoti til stjørnuskotið 2022. Venjarin hjá Jónasi, Jógvan Kristiansson Glerfoss, vann heiðurin sum ítróttafyrimyndin.
Nýggjastu sendingar í ÚV
Nýggjastu sendingar í SV