Caption:
Í opna bólkinum hjá kvinnum stríddust Silja Johannesen og Anna S. Steinberg.
- Tíðindi, mentan og ítróttur
Petur Sigurð og Silja vunnu opna bólkin
Petur Sigurð og Silja vunnu opna bólkin
Føroyameistararnir í opnum bólki í judo eita Petur Sigurð Johannesen og Silja Johannesen
Judoíðkararnir í opna bólkinum. Vinnari og føroyameistari er Petur Sigurð Johannesen.
Mynd: Sofus Debes Johannesen
15.04.2023 - 15:15
Síðstu judofinalurnar á stóra FM degnum í høllini á Hálsi vóru í opna bólkinum hjá bæði monnum og kvinnum.
Hjá monnunum hittust Petur Sigurð Johannesen og Bárður H. Lenvig, báðir úr Havnar judofelag.
- Her er so stórur vektmunur, at eg, uttan at taka nakað frá Bárði, meti hetta vera ein avgreiðsluspurning hjá Petur Sigurði, segði viðmerkjarin í sjónvarpinum.
Men føroyameistarin sjálvur var ónøgdur eftir dystin, hóast sigur.
- Eg føldi ikki, at eg slapp at berjast mítt judo móti Bárði í dag, segði Petur Sigurð Johannesen eftir dystin.Í kvinnudystinum var Silja Johannesen aftur á gólvinum eftir steðg vegna barnsburð.
Hon og Anna S. Steinberg bardust eisini fyri tveimum árum síðan, og eftir dystin í dag stóð Silja sum vinnari og føroyameistari.
- Eg vónaði ikki, at dysturin bleiv ov langur, og eg royndi ikki at leypa ov nógv á, segði ein glað Silja Johannesen, tá ið føroyameistaraheitið var vunnið.
Er kopiera
Nýggjastu sendingar í ÚV
Nýggjastu sendingar í SV
