- Tíðindi, mentan og ítróttur
Ólavur Kjølbro føroyameistari
Ólavur Kjølbro føroyameistari
Ólavur Kjølbro úr Havnar Billardfelag er nýggjur føroyameistari í billard, nú hann í finaluni í dag vann á Páll Hera Nolsøe av Tvøroyri, ið vann meistaraheitið í fjør.
Ólavur Kjølbro vann í dag FM-heitið fyri einstaklingar í billard. Her sæst hann saman við Jógvan Jørgensen, sum hann herfyri vann FM-heitið fyri lið saman við, tá ið Havnar Billarfelag varð meistari fyri fyrstu ferð í 18 ár
Mynd: Jan Müller
22.04.2023 - 18:42
Tapandi finalisturin, Páll Heri Nolsøe, setti annars føroyskt billardmet í hálvfinaluni í morgun, tá hann í miðal fekk 166 eygu í trimum umførum, sum vóru 146, 180 og 174 eygu.
Bronsudystin vann Kristian Suni Høgnesen úr Klaksvíkar Billardfelag, sum vann á Niels Nielsen úr Havnar Billardfelag.
Nýklakti føroyameistarin hevur í vetur fingið upp í posa og sekk, tí herfyri vann hann saman við Jógvani Jørgensen føroyameistaraheitið fyri lið, ið var tað fyrsta hjá Havnar Billardfelag í 18 ár.
Er kopiera
Nýggjastu sendingar í ÚV
Nýggjastu sendingar í SV
