Tólv føroyingar kappast til Special Olympics

Tólv føroysk ítróttafólk leggja mánadagin leiðina til Týsklands, har tey skulu kappast á heimsins størsta inklusiva ítróttatiltaki, Special Olympics World Games, sum verður í Berlin í næstum.

Um 7000 ítróttarfólk úr 190 londum skulu kappast í 26 ítróttargreinum teir níggju dagarnar, sum leikirnir vara. 

Special Olympics snýr seg ikki bert um ítrótt, men er eisini ein stevna, sum gevur fólki við menningartarni innlit í mentan og livihátt hjá vertslandinum. Tí gongur leiðin fyrst til Wilhelmsdorf sunnarlaga í Týsklandi, har føroyska ferðalagið skal uppliva býin og lívið í økinum. Síðan gongur leiðin til týska høvuðsstaðin 15. juni.

Leikirnir byrja við stórari setan leygardagin 17. juni. Kappingarnar verða 18. - 24. juni og ferðalagið kemur heimaftur til Føroyar 26. juni.

Føroyski hópurin:

Svimjing
Hóri Hemmingson
Jórun Mai Smith

Frælsur Ítróttur
Meiken Olsen

Boccia
Eli Olsen
Martha Hansen

Borðtennis
Tummas Wilhelm
Unn Mortensen

Bovling
Alexander Mittún Darvishi
Durita Strøm

Fimleikur
Jenny Thomsen
Súsanna Johannesen
Eyð Patursson