Martha Hansen vann silvur í boccia

I morgun spældi Martha Hansen dyst um gullið í sterkasta bólkinum í boccia.

Eftir tveir tryggar sigrar og eitt tap í gjár, endaði Martha Hansen í gullfinaluni í morgun, har hon skuldi hitta eina av teimum, hon vann stórt á í gjár.

Tí varð ikki trupult at hugsa sær, át gullmerkið kundi vinnast, men soleiðis gekk ikki. Íðkarin, sum var úr Guyana, var sum hamskift frá í gjár, og frá tí løtu hon kastaði fyrsta bóltin, var hon frammanfyri, og endaði við at vinna stórt.

At vinna silvur í kapping við bestu bocciaspælarar í heiminum var tó nóg mikið, til at Martha Hansen hevði eitt stórt smíl á varrunum.