Palestinski forsætisráðharrin leggur frá sær

Palestinski forsætisráðharrin, Mohammad Shtayyeh, hevur biðið um at verða loystur úr starvi. 

Tað hevur hann boðað palestinska forsetanum, Mahmoud Abbas, frá,  skriva palestinskir miðlar sambært Reuters.

Sambært AFP-tíðindastovuni hevur øll stjórnin biðið um at verða loyst úr starvi.

Orsøkin til, at palestinski forsætisráðharrin leggur frá sær, er álopini á Gasageiran og ófriðurin á Vestara áarbakka og í Jerusalem.

Shatayyeh er partur av Fatah-felagsskapinum, sum er størsti og mest týðandi vongurin í palestinska frælsisfelagsskapinum, PLO. Hann hevur verið forsætiráðharri á hersetta vestara áarbakka síðani 2019.

Sambært arabiskum miðlum verður tað Mohammed Mustafa, stjórin fyri palestinska íløgugrunnin, sum skal tilnevna nýggju stjórnina.