Hægstirættur tekur støðu til órin hjá Trump

Í dag fer Hægstirættur í USA væntandi at taka støðu til, um Donald Trump hevur órin og tí ikki kann vera rættarsóktur fyri gerðir, sum hann hevur framt, meðan hann var forseti.

Hóast rætturin væntandi fer at vísa aftur kravinum hjá Trump um órin, kann avgerðin hava ávirkan á, um rættarmálið móti Trump fyri at hava roynt at broyta valið í 2020, kann koma til viðgerðar fyri valið í november.

- Málið hevur stóra ávirkan á forsetaembætið, fyri framtíðina hjá forsetaembætinum og fyri framtíðina hjá landinum, segði Brett Kavanaugh í aprí lmánaði, tá ið málið var til munnliga viðgerð í dómstólinum.

Advokatarnir hjá Trump krevja fult og avgjørt órin fyri gerðirr, sum vóru framdar í tíðini, tá ið hann var forseti.

- Fáa vit ikki greiðu á hesum, verða avgerðir og metingar hjá komandi forsetum avmarkaðar, tí útlit eru fyri kanningum í framtíðini og møguligari fongsulsrevsing, siga advokatarnir.