![](https://kvf.fo/sites/default/files/styles/myndasavn-width/public/israel_1_afp.jpg?itok=o5ohDEx1)
- Tíðindi, mentan og ítróttur
Ísrael: Arbeiðsrættur gevur boð um at verkfallið skal halda uppat
Ísrael: Arbeiðsrættur gevur boð um at verkfallið skal halda uppat
Landsumfatandi verkfallið er sett í verk, eftir at seks ísraelskir gíslar vórðu funnin deyðir í Gasageiranum leygardagin
![](https://kvf.fo/sites/default/files/styles/grein-ovasta-mynd/public/israel_4_afp.jpg?itok=Urcsvqs_)
Samanbrestir hava verið millum løgregluna og mótmælisfólk undir landsumfatandi verkfallinum í Ísrael.
Mynd: AFP/Ritzau Scanpix
02.09.2024 - 13:34
Ísraelski arbeiðsrætturin hevur í dag gjørt av, at aðalverkfallið í Ísrael skal halda uppat innan kl. 14.30 lokala tíð - tað er kl. hálvgum eitt føroyska tíð.
Tað skrivar Reuters.
Landsumfatandi verkfallið er sett í verk, eftir at seks ísraelskir gíslar vórðu funnin deyðir í Gasageiranum leygardagin.
Verkfallið hevur eisini rakt flogferðsluna til og úr Ísrael. (Mynd: AFP/Ritzau Scanpix)
Størsta fakfelagið í Ísrael, Histadrut, hevur lýst verkfallið. Tað hevur um 800.000 limir í fleiri geirum í ísralska samfelagnum, - frá heilsustarvsfólkum og flutningi til bankageiran.
Fleiri kommunalar tænastur í Tel Aviv og øðrum ísraelskum býum hava tí ikki havt opið í dag.
Lokalir miðlar skriva, at verkfallið eftir ætlan stendur við til kl. 18 í kvøld, t.e. kl. 16 føroyska tíð.
Nýggjastu sendingar í ÚV
Nýggjastu sendingar í SV