Fyrrverandi Volkswagen-stjórar dømdir sekir fyri at svika við útláti

Ein dómstólur í Týsklandi hevur dømt fýra fyrrverandi stjórar í Volkswagen sekar í sonevnda 'diesel-gate'-málinum.

Teir fýra vóru ákærdir fyri svik og skipað brotsverk.

Volkswagen kom í djúpa kreppu orsakað av gøluni, sum er víðagitin sum 'diesel-gate', og óteljandi rættarmál og útreiðslur til løgfrøðiliga hjálp, sum eru mett at hava kostað fyritøkuni meira enn 30 milliardir evrur. Tað svarar til 223 milliardir krónur.

11 milliónir bilar

Volkswagen hevur upplýst, at tilsamans 11 milliónir bilar høvdu ritbúnað, sum vísti, at bilarnir dálkaðu nógv minni, enn teir í veruleikanum gjørdu.

Volkswagen hevur viðgingið at hava svikað við útláti í 11 milliónum bilum i øllum heiminum. 

Meira enn 430.000 persónar stevndu týsku bilverksmiðjuna.

Ein brúkarafelagsskapur stevndi fyri mongu saksøkjararnar, sum kravdu endurgjald frá Volkswagen, eftir at svikið við útlátinum frá dieselbilunum varð avdúkað í 2015.