Bretland hóttir við at viðurkenna Palestina sum sjálvstøðugt riki

Bretland ætlar at viðurkenna Palestina sum sjálvstøðugt ríki, áðrenn ST-aðalfundurin verður í september, um Ísrael ikki broytir framferð, skrivar tíðindastovan Reuters.

Bretski forsætisráðharrin, Keir Starmer sigur, at Bretland fer at viðurkenna palestinska statin, um Ísrael ikki lýkur treytirnar hjá Bretlandi, og at hetta skal henda fyri aðalfundin hjá Sameindu Tjóðum í september.

Ísrael skal taka ítøkilig stig til at fáa í lag vápnahvíld og at enda verandi humaniteru støðu í Gaza.

Hamas má ongantíð sleppa at stýra

Jerusalem Post skrivar, at Keir Starmer gjørdi eisini greitt, at Hamas er ein yvirgangsfelagsskapur, sum aldri má fáa viðurkenning, og sum skal sleppa at stjórna einum møguligum palestinskum stati.

Eisini segði hann, sambært Jerusalem Post, at Bretland heldur fast við áheitanina á Hamas, um at ísraelsku gíslarnir verða latnir leysir alt fyri eitt, og at Hamas eins og ísraelska stjórnin skal taka undir við eini vápnahvíld.