Maður tikin fyri ætlanir um at drepa pólska forsætisráðharran

Pólska løgreglan hevur handtikið ein mann, sum eftir øllum at døma hevði ætlanir um at drepa pólska forsætisráðharran, Donald Tusk, og verjumálaráðharran, Władysław Kosiniak-Kamysz, upplýsir innanríkisráðið í landinum.

Tað er ikki greitt, hvat hann ítøkiliga ætlaði at gera.

Talsmaðurin hjá pólsku trygdartænastuni, Jacek Dobrzynski, sigur, at málið verður mett at vera sera álvarsligt

- Stór sannlíkindi eru fyri, at hesar hóttanir kundu verið framdar, sigur Dobrzynski.

Bæði Tusk og Kosiniak-Kamysz skulu eftir ætlan luttaka á stórari trygdarráðstevnu í Warszawa, har fleiri útlendskir ráðharrarar eru við.